tg-me.com/gdsjnvd/14248
Last Update:
نعي للامام علي امير المؤمنين ع ~~~~
مفجوعه الروافض تدك علهام
بسيف المرادي طبر الامام
اتهدمت اركان الهدايه والاسلام
ابجو يشيعه المصابه اورفعو لعلام
🏴🏴🏴🏴🏴🏴
ابجو اعلى الوصي ونوحو يشيعه
الليله الاركان امهدمه اوحلت فجيعه
امصوب امام الرافضه لامره نطيعه
اوراسه منجسم صاحب البيعه
✍ام مرتضى الخزرجي
🏴🏴🏴🏴🏴🏴
صبح على حيدر مغبر الكون
وعليه الامام تبجي كل العيون
ومصابه كلف وعلينه ابد مايهون
امام الانس والجان هاذا يالتسئلون
ام✍🏻 محمد الساري
🏴🏴🏴🏴🏴🏴🏴🏴
بسمه صاح جبريل الملك صوتين
نوحوا يشيعه اليوم عازو حسين
رأس يويلي منطبر اوصار نصين
ملتمه الخلگ وتهل دمه العين
➖➖➖➖➖➖
رأس منطبر ونهدم كل حيله
ضلت تنعه عليه بته ومداليله
الله ايساعد اليوم گلب العقيله
على امصابه تفطر كل دليله
*✍️بتول الكربلائية*
🏴🏴🏴🏴🏴🏴🏴🏴
انفطر دلال عباس اعله عوده
من شاف الولي روحه ممروده
صاح وين الله وحيدرنه يعوده
ونمشي ونصيح احنه ابزوده
ام ✍🏻زين العابدين لمحمداويه
🏴🏴🏴🏴🏴🏴🏴🏴
صاحت شيعتة الله وأكبر
راس المرتضى وسفه تطبر
زينب علوصي اشلون تصبر
شافت ابوها وعاينتله
ياهيبتي اتصيح وتگله
جرح راسك بيه خله
احووو يانار گلبي
✍️ام صادق المنصوري
🏴🏴🏴🏴🏴🏴🏴🏴
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها
خادمة الزهراء الشاعره أم محمد الساري
اظهر سيدي طال انتظارك
https://www.tg-me.com/ru/خادمة الزهراء الشاعره أم محمد الساري/com.gdsjnvd
BY خادمة الزهراء الشاعره أم محمد الساري
Share with your friend now:
tg-me.com/gdsjnvd/14248